மாணவர்களுக்கு புகைப்பொருட்களை விற்றவர் கைது

-செல்வநாயகம் கபிலன்

பாடசாலை மாணவர்களுக்கு புகையிலை மற்றும் சிகரெட் என்பவற்றை விற்பனை செய்த தேநீர்க் கடை உரிமையாளரை, நேற்று  வியாழக்கிழமை (28) கைதுசெய்துள்ளதாக யாழ்ப்பாணம் குற்றத்தடுப்பு பொலிஸார் தெரிவித்தனர்.

யாழ்ப்பாணம் நாவலர் வீதி பகுதியில் உள்ள சைவ உணவகத்தில் பாடசாலை மாணவர்களுக்கு சிகரெட் விற்பதாக பொலிஸாருக்கு இரகசியத் தகவல் ஒன்று கிடைக்பெற்றிருந்தது.

இதனையடுத்து சிவில் உடையில் சென்ற பொலிஸார் தேநீர் கடையின் பின்பக்கம் சென்று பார்த்த போது, பாடசாலை மாணவர்கள் சிகரெட் புகைப்பிடிப்பதனைக் கண்டுள்ளனர்.

இது தொடர்பில் அக்கடை உரிமையாளருக்கும் பாடசாலை மாணவன் ஒருவனுக்கும் எதிராக யாழ்ப்பாணம் நீதிமன்றில் வழக்கு தாக்கல் செய்துள்ளனர்.