விபத்தில் குடும்பஸ்தர் உயிரிழப்பு

செல்வநாயகம் கபிலன்

இயற்றாலை வரணிப் பகுதியில் இடம்பெற்ற வீதி விபத்தில் குடும்பஸ்தர் ஒருவர் காயங்களுக்கு உள்ளாகி, சாவகச்சேரி வைத்தியசாலையில் அனுமதிக்கப்பட்ட நிலையில் உயிரிழந்துள்ளார்.
 
வெள்ளிக்கிழமை (07) இடம்பெற்ற இவ்விபத்தில், சின்னத்தம்பி தேவராஜா (வயது 56) என்ற நபரே உயிரிழந்துள்ளதாக, கொடிகாமம் பொலிஸார் தெரிவித்தனர்.  

மோட்டார் சைக்கிளில் சென்றுகொண்டிருந்த மேற்படி நபரை, பின்னால் வந்த கப் ரக வாகனம் மோதியதாகக் கூறப்படுகிறது.

விபத்து தொடர்பான விசாரணைகளை, கொடிகாமம் போக்குவரத்துப் பொலிஸார் மேற்கொண்டு வருகின்றனர்.