விபத்தில் பொலிஸ் உத்தியோகத்தரின் கால் முறிவடைந்தது

செல்வநாயகம் கபிலன்

பாதசாரிக் கடவையினைக் கடக்க முற்பட்ட பொலிஸ் உத்தியோகத்தரை, வாகனமொன்று  மோதியதில் பொலிஸ் உத்தியோகத்தர் கால்கள் முறிவடைந்த நிலையில், யாழ். போதனா வைத்தியசாலையில் அனுமதிக்கப்பட்டுள்ளார்.

இச் சம்பவம், கஸ்தூரியர் வீதியில் நேற்று (07) மாலை இடம்பெற்றுள்ளது.

யாழ்ப்பாணம் பொலிஸ் நிலையத்தில் ஊழல் தடுப்புப் பரிவில் கடமையாற்றும் குமார என்ற பொலிஸ் உத்தியோகத்தரே இச் சம்பவத்தில், கால்கள் முறிவடைந்த நிலையில், யாழ். போதனா வைத்தியசாலையின் விபத்துச் சேவைப் பிரிவில் அனுமதிக்கப்பட்டுள்ளார்.

விபத்துடன் தொடர்புடைய வாகன சாரதி பொலிஸாரினால் கைது செய்யப்பட்டுள்ளார்.