விளையாட்டுக்கு 22 மில்லியன் ரூபாய் ஒதுக்கீடு

-எஸ்.ஜெகநாதன்

வடமாகாண கல்வி அமைச்சின் கீழுள்ள விளையாட்டுத் திணைக்களத்தின் மூலதச் செலவினங்களை மேற்கொள்வதற்கு 22 மில்லியன் ரூபாய் ஒதுக்கீடு செய்யப்பட்டுள்ளது.

இதனைக்கொண்டு, வடமாகாணத்தின் ஐந்து மாவட்டங்களில் தெரிவு செய்யப்பட்ட அபிவிருத்தி நடவடிக்கைகள் மேற்கொள்ளப்படவுள்ளன.

5 கூடைப்பந்தாட்ட மைதானங்கள் அமைத்தல், 5 கரப்பந்தாட்ட மைதானங்கள் அமைத்தல், 5 விளையாட்டு பயிற்சி நிலையங்கள் அமைத்தல், 5 மாவட்டங்களிலும் 10 பொது விளையாட்டு மைதானங்கள் புனரமைத்தல், 5 மாவட்டங்களிலும் 400 மீற்றர் சுற்றளவுள்ள மைதானங்கள் புனரமைத்தல், விளையாட்டு உபகரணங்கள் வழங்கல் ஆகிய செயற்றிட்டங்கள் முன்னெடுக்கப்படவுள்ளன.