விடைத்தாள் மதிப்பீடு: வெளிவாரிப் பணிப்பாளருக்கு ஆலோசனை

-எஸ்.நிதர்ஷன், என்.ராஜ்

யாழ்ப்பாணப் பல்கலைக்கழகத் திறந்த மற்றும் தொலைக்கல்வி நிலையத்தால் நடத்தப்படும் வெளிவாரிப் பரீட்சை விடைத்தாள் மதிப்பீட்டுப் பணிகளின் போது, பல்கலைக்கழக சேவையில் இருந்து ஓய்வுபெற்ற பேராசிரியர்கள் மற்றும் விரிவுரையாளர்களை முன்மொழிவதைத் தவிர்க்குமாறு, துணைவேந்தர் பேராசிரியர் சி. சிறிசற்குணராஜா ஆலோசனை வழங்கியுள்ளார்.

யாழ். பல்கலைக்கழக மூதவைக் கூட்டம், கடந்த வாரம் நடைபெற்றது. இதன்போதே, மேற்கண்டவாறு, திறந்த மற்றும் தொலைக்கல்வி நிலைய பணிப்பாளருக்கு ஆலோசனை வழங்கப்பட்டது.

இது குறித்து தொடர்ந்துரைத்த அவர், ஓய்வு பெற்றுச் செல்பவர்களை அவர்களது ஓய்வுக் காலத்தை அனுபவிப்பதற்கு விட வேண்டுமெனவும் அவர்களைத் தேவையான இடங்களில் ஆலோசகர்களாகக் கொண்டு, அவர்களுக்குக் கௌரவத்தை கொடுக்க வேண்டுமெனவும் கூறினார்.