பகிடிவதை காரணமாக 11 பிக்கு மாணவர்கள் பல்கலையிலிருந்து நீக்கம்

(ரோஹன, சந்திரசேன)

அநுராதபுரம் பிக்கு பல்கலைக்கழகத்தைச் சேர்ந்த 11 பிக்கு மாணவர்கள் நீக்கப்பட்டுள்ளனர். பல்கலைக்கழகத்தின் புதிய மாணவர்களை பகிடி வதைக்கு உட்படுத்தியமையே இதற்குக் காரணமாகும்.

இவர்களைத் தவிர மேலும் 26 பேருக்கு 2 வருடம் முதல் 3 வருடகாலம் இடைநிறுத்தப்பட்டுள்ளதாக அப்பல்கலைக்கழத்தின் உபவேந்தர் வண.தும்புள்ளே சீலாகந்த தேரர் கூறினார்.

ஒழுக்காற்று விசாரணைகளின் பின்னர் பல்கலைக்கழக பேரவையினால் இத்தீர்மானம் மேற்கொள்ளப்பட்டுள்ளதாகவும் அவர் தெரிவித்தார்.

இப்பல்கலைக்கழகத்தில் கடந்த பெப்ரவரி மாதம் இடையூறுகளை ஏற்படுத்தியதில் இவர்கள் குற்றவாளிகளாக காணப்பட்டதாகவும் உபவேந்தர் வண.தும்புள்ளே சீலாகந்த தேரர் கூறினார்.

இம்மாணவர்கள் முன்னர் எழுதிய பரீட்சைப் பெறுபேறுகளையும் வெளியிடாமல் நிறுத்திவைப்பதற்கு தீர்மானிக்கப்பட்டுள்ளது.

அநுராதபுரம் பிக்கு பல்கலைக்கழக விரிவுரையாளர் ஒருவர், மற்றும் ரஜரட்ட பல்கலைக்கழக அதிகாரிகள் இருவர் அடங்கிய குழுவொன்று இந்த ஒழுக்காற்று விசாரணைகளை மேற்கொண்டது.