ரிசாட் பதியுதீன் முஸ்லிம் மஹாவித்தியாலயத்தின் பரிசளிப்பு விழா

(ஏ.எஸ்.எப்.ஜெஸீரா)

புத்தளம் தில்லையடி அல்காசிமி கிராமத்திலுள்ள ரிசாட் பதியுதீன் முஸ்லிம் மஹாவித்தியாலயத்தின் வருடாந்த பரிசளிப்பு விழா இன்று சனிக்கிழமை பாடசாலை அதிபர் எம்.எம்.நஜ்மி தலைமையில் நடைபெற்றது.

இந்த வைபவத்திற்கு கைத்தொழில், வர்த்தக விவகார அமைச்சரும் அகில இலங்கை முஸ்லிம் காங்கிரஸின் தலைவருமான ரிசாட் பதியுதீன் பிரதம அதிதியாகக் கலந்து கொண்டதுடன்,  ஓய்வு பெற்ற அதிபர்கள், ஆசிரியர்கள் உள்ளிட்ட பெருந்திரளானோர் கலந்து கொண்டனர்.

இதன்போது பாடசாலையில் புலமைப்பரிசில் மற்றும் சாதாரணதரப் பரீட்சை ஆகியவற்றில் சித்திபெற்ற மாணவர்கள் சின்னம் வழங்கி கௌரவிக்கப்பட்டதுன், வகுப்பில் முதலாம், இரண்டாம், மூன்றாம் இடங்களைப் பெற்ற மாணவ, மாணவிகளும் இதன்போது பரிசில்கள் வழங்கி கௌரவிக்கப்பட்டனர். அத்துடன் பாடசாலை மாணவர்களின் கலை நிகழ்ச்சிகளும் அதிதிகளின் உரைகளும் இடம்பெற்றமை குறிப்பிடத்தக்கது.