முந்தல் விவசாயிகள் ஆர்ப்பாட்டம்

(எஸ்.எம்.மும்தாஜ்)

மரக்கறி வகைகளை எடுத்துச் செல்வதில் புதிதாக அறிமுகப்படுத்தப்பட்டுள்ள விதிமுறைக்கு எதிராக முந்தல் பிரதேச விவசாயிகள் இன்று காலை ஆர்ப்பாட்டத்தில் ஈடுபட்டுள்ளனர்.

இன்று காலை 10 மணிக்கு முந்தல் பிரதேச செயலகத்தின் முன்னால் நடத்தப்பட்ட இந்த ஆர்ப்பாட்டத்தில் முந்தல் பிரதேச செயலகப் பிரிவுக்குட்பட்ட பகுதிகளைச் சேர்ந்த சுமார் இருநூற்றி ஐம்பதுக்கும் அதிகமான விவசாயிகள் ஈடுபட்டனர்.

இவர்கள் மரக்கறிவகைகளை எடுத்து வந்து வீதியில் கொட்டி ஆர்ப்பாட்டத்தில் ஈடுபட்டதுடன், புதிய நடைமுறைக்கு எதிரான பல்வேறு சுலோகங்களையும் தாங்கி நிற்கின்றனர். இவர்கள் இந்த புதிய நடைமுறையினை நீக்குமாறு கோரும் மகஜர் ஒன்றினையும் பிரதேச செயலாளரிடம் கையளிக்க உள்ளதாக தெரிவித்தனர்.