விபத்தில் ஒருவர் பலி

ட்ரக்டரும் டிபர் வண்டியும் ஒன்றுடன் ஒன்று மோதி விபத்துக்குள்ளானதில், ட்ரக்டர் வண்டியின் சாரதி உயிரிழந்துள்ளார்.

இவ்விபத்து, தம்புள்ளை - குருநாகல் பிரதான வீதியில் தலகிரியாகமப் பகுதியில் நேற்று செவ்வாய்க்கிழமை (21) இடம்பெற்றுள்ளது.

விபத்தில் உயிரிழந்தவர், மெதவத்தேகெதரப் பகுதியைச் சேர்ந்த 48 வயதானவர் எனப் பொலிஸார் தெரிவித்தனர்.

இவ் விபத்து தொடர்பான மேலதிக விசாரணைகளை கலேவெல பொலிஸார் மேற்கொண்டு வருகின்றனர்.