மொத்த தேசிய உற்பத்தி 7.8 வீத அதிகரிப்பு

நாட்டின் மொத்த தேசிய உற்பத்தி மூன்றாவது காலாண்டில் கடந்த ஆண்டின் இதே காலப்பகுதியுடன் ஒப்பிடுகையில் 7.8 வீத அதிகரிப்பை பதிவு செய்திருந்தது. இரண்டாவது காலாண்டில் இந்த பெறுமதி 6.8 வீதமாக பதிவாகியிருந்ததென தொகை மதிப்பு மற்றும் புள்ளிவிபரங்கள் திணைக்களம் அறிவித்துள்ளது.

 

இதில் விவசாயத்துறை 7.0 அதிகரிப்பை பதிவு செய்திருந்தது. கடந்த ஆண்டின் இதே காலப்பகுதியில் இந்த துறை 0.5 அதிகரிப்பை மட்டுமே பதிவு செய்திருந்தது. தேயிலை உற்பத்தி 5.1 வீத சரிவையும், இறப்பர் 28.1 வீத சரிவையும், தேங்காய் 32.3 வீத சரிவையும் பதிவு செய்திருந்த போதிலும், கடந்த ஆண்டில் 39 வீத அதிகரிப்பை பதிவு செய்திருந்த நெல் உற்பத்தி இந்த ஆண்டில் 56.5 வீத அதிகரிப்பை பதிவு செய்திருந்ததாக குறிப்பிடப்பட்டுள்ளது.

 

மீன்பிடி, தொழில்துறை, ஆடை துறை, நிர்மாணத்துறை, சேவைகள் துறை, ஹோட்டல் மற்றும் உணவகங்கள், போக்குவரத்து மற்றும் தொடர்பாடல்கள் மற்றும் அரசதுறை போன்றன உயர்வான பெறுமதிகளை பதிவு செய்திருந்தமை குறிப்பிடத்தக்கது.