2025 செப்டெம்பர் 22, திங்கட்கிழமை

பங்குச்சந்தை மற்றும் தங்கம், வெள்ளி விலை நிலைவரங்கள்

A.P.Mathan   / 2014 மார்ச் 16 , பி.ப. 01:15 - 0     - {{hitsCtrl.values.hits}}


-ச.சேகர்


கொழும்பு பங்குச்சந்தை நடவடிக்கைகள் தொடர்ந்தும் சரிவான நிலையில் நிறைவடைந்திருந்தன. ஜோன் கீல்ஸ் ஹோல்டிங்ஸ் பங்குகள் விலை ஏற்றத் தாழ்வுடன் பதிவாகியிருந்தது. வெளிநாட்டவர்கள் பங்கு விற்பனையில் ஆர்வம் செலுத்தியிருந்தனர். கொழும்பு பங்குச்சந்தை பெறுமதிகள் ஏற்றத்தாழ்வுகளுடன் பதிவாகியிருந்த போதிலும், விரைவில் மீட்சியடையும் என எதிர்பார்க்கப்படுவதாக பங்கு முகவர்கள் கருத்து வெளியிட்டிருந்தனர். வெள்ளிக்கிழமை நடவடிக்கைகள் நிறைவடைந்த போது அனைத்து பங்கு விலைச் சுட்டெண் 5,896.23 ஆகவும், S&P ஸ்ரீலங்கா 20 சுட்டி 3207.11 ஆகவும் பதிவாகியிருந்தன.

மார்ச் 10ஆம் திகதியுடன் ஆரம்பமான கடந்த வாரத்தின் இறுதியில் மொத்த பங்கு புரள்வு பெறுமதியாக ரூ. 2,104,638,071 அமைந்திருந்தது. கடந்த வாரம் மொத்தமாக 17,509 பங்கு கொடுக்கல் வாங்கல்கள் இடம்பெற்றன. இதில் உள்நாட்டு கொடுக்கல் வாங்கல்கள் 16,278 ஆகவும் வெளிநாட்டு கொடுக்கல் வாங்கல்கள் 1,231 ஆகவும் பதிவாகியிருந்தன.

திங்கட்கிழமை
டயலொக் ஆக்சியாடா மற்றும் புக்கிட் தாரா ஆகிய பங்குகளின் விலை உயர்வுடன் சந்தை கலப்புப் பெறுமதிகளை பதிவு செய்து நிறைவடைந்திருந்தது. சந்தையில் அதிகளவு பங்கு கொள்வனவில் முதலீட்டாளர்களின் ஆர்வம் காணப்பட்டது. ப்ளு டயமன்ட் பங்குகள் மீதான ஆர்வம் அதிகம் காணப்பட்டது. டெஸ் அக்ரோ மற்றும் எஸ்எம்பி லீசிங் ஆகியன மொத்தப்புரள்வு பெறுமதியில் 304 பில்லியன் ரூபா பெறுமதியை பங்களிப்பு செய்திருந்தது. வலிபல் வன் பங்குகள் மீது நிறுவனசார் ஈடுபாடு காணப்பட்டது.

செவ்வாய்க்கிழமை
வியாபார நடவடிக்கைகள் ஆரம்பித்து ஆரம்ப நேரத்தில் சந்தை உயர்வு பெறுமதிகளை பதிவு செய்திருந்த போதிலும், சந்தை மறை பெறுமதிகளை பதிவு செய்து நிறைவடைந்திருந்தது. குறிப்பாக ஜோன் கீல்ஸ் ஹோல்டிங்ஸ் மற்றும் லயன் பிரெவரி பங்குகள் மீது விலைச் சரிவு பதிவாகியிருந்தமை குறிப்பிடத்தக்கது. ஒரியன்ட் காமன்ட்ஸ் பங்குகள் மீது உயர் நிகர பெறுமதிவாய்ந்த ஈடுபாடு காணப்பட்டதுடன், சிறியளவிலான முதலீட்டாளர்கள் சிட்ரஸ் லெய்ஷர் மற்றும் ஆசிரி சேர்ஜிகல் ஹொஸ்பிட்டல் பங்குகள் மீது அதிகளவு ஈடுபாட்டை வெளிப்படுத்தியிருந்தனர். வெளிநாட்டவர்கள் ஜோன் கீல்ஸ் ஹோல்டிங்ஸ் மற்றும் கொமர்ஷல் வங்கி ஆகிய பங்குகள் கொள்வனவுடன் நிகர கொள்வனவாளர்களாக பதிவாகியிருந்தனர்.

புதன்கிழமை
நெஸ்லே லங்கா, சி ரி ஹோல்டிங்ஸ் போன்ற பாரிய பங்குகளில் விலைச் சரிவு பதிவாகியதை தொடர்ந்து, பங்குச்சந்தை மறை பெறுமதிகளை பதிவு செய்து நிறைவடைந்திருந்தது. கொமர்ஷல் வங்கி பங்குகள் மீதான மொத்த வியாபாரம், மொத்தப்புரள்வு பெறுமதியில் 26 வீத பங்களிப்பை வழங்கியிருந்தது. மேலும், அமானா வங்கி மற்றும் ஆசியா அசெட் ஃபினான்ஸ் பங்குகள் மீது சிறியளவிலான முதலீட்டாளர்களின் ஈடுபாடு காணப்பட்டது. சிட்ரஸ் லெய்ஷர் பங்குகள் மீது கலப்பு ஈடுபாடு காணப்பட்டது. ஜோன் கீல்ஸ் ஹோல்டிங்ஸ் மற்றும் கொமர்ஷல் வங்கி பங்குகள் மீது வெளிநாட்டவர்களின் ஈடுபாடு காணப்பட்டது.

வியாழக்கிழமை
ஜோன் கீல்ஸ் ஹோல்டிங்ஸ் மற்றும் சிலோன் டொபாக்கோ கம்பனி பங்குகளின் விலைச் சரிவுடன், பங்குச்சந்தை தொடர்ந்தும் விலைச் சரிவுகளை பதிவு செய்திருந்தது. சொஃப்ட்லொஜிக் ஹோல்டிங்ஸ் மொத்தப்புரள்வு பெறுமதியில் 32 வீத பங்களிப்பை வழங்கியிருந்தது. நேஷன் லங்கா ஃபினான்ஸ் பங்குகளின் மீது சிறியளவிலான முதலீட்டாளர்களின் அதிகளவு ஈடுபாடு காணப்பட்டது. ஆசிரி ஹொஸ்பிட்டல் ஹோல்டிங்ஸ் மற்றும் ஆசிரி சேர்ஜிகல் ஹொஸ்பிட்டல் ஆகியன மீது இடைக்கால பங்கிலாபங்களை அறிவித்திருந்ததை தொடர்ந்து, அதிகளவு ஈடுபாடு பதிவாகியிருந்தது.

வெள்ளிக்கிழமை
வாரத்தின் இறுதி நாள் கொடுக்கல் வாங்கல்கள் விலைச் சரிவுடன் நிறைவடைந்திருந்தன. குறிப்பாக சிலோன் டொபாக்கோ கம்பனி மற்றும் ஜோன் கீல்ஸ் ஹோல்டிங்ஸ் ஆகியன இவற்றில் பங்களிப்பை வழங்கியிருந்தன. ஜோன் கீல்ஸ் ஹோல்டிங்ஸ் மீதான மொத்த வியாபாரம், புரள்வு பெறுமதியில் 26 வீத பங்களிப்பை வழங்கியிருந்தது. ஏசியா அசெட் ஃபினான்ஸ் பங்குகள் மீது சிறியளவிலான முதலீட்டாளர்களின் ஆர்வம் காணப்பட்டது. ஆசிரி ஹொஸ்பிட்டல் ஹோல்டிங்ஸ் மற்றும் ஆசிரி சேர்ஜிகல் பங்குகள் மீதும் கலப்பு ஈடுபாடு காணப்பட்டது.

கடந்த வார கொடுக்கல் வாங்கல் நடவடிக்கைகளில் மொரிசன்ஸ், ஹியுஜே, யுனியன் கெமிக்கல்ஸ், ஆசிரி சேர்ஜிகல் மற்றும் டப்ரோபேன் போன்றன முதல் ஐந்து சிறந்த இலாபமீட்டிய பட்டியலிடப்பட்ட கம்பனிகளாக பதிவாகியிருந்தன.

சிலோன் லெதர் (உரிமை). லங்கா சென்ச்சரி (உரிமை), டெஸ் அக்ரோ, முல்லர்ஸ் மற்றும் பிராக் லங்கா ஃபினான்ஸ் போன்ற நிறுவனங்களின் பங்குகள் அதிகளவு நஷ்டமீட்டியதாக பதிவாகியிருந்தன.


தங்கம் மற்றும் வெள்ளி விலை
கடந்த வாரம் 24 கெரட் தங்கத்தின் சராசரி விலை 46,600 ரூபாவாகவும், 22 கெரட் தங்கத்தின் விலை 42,700 ரூபாவாகவும் அமைந்திருந்ததாக தங்க நகை வியாபார வட்டாரங்களிலிருந்து அறிந்து கொள்ள முடிந்தது.

நாணய மாற்று விகிதம்
கடந்த வாரம் டொலருக்கு நிகரான ரூபாவின் சராசரி விற்பனை பெறுமதி 132.10 ஆக பதிவாகியிருந்தது. ஐக்கிய இராச்சிய பவுணுக்கு நிகரான சராசரி விற்பனை பெறுமதி 220.16 ஆக காணப்பட்டிருந்தது.

  Comments - 0


அன்புள்ள வாசகர்களே,

நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .