பங்குச்சந்தை, தங்கம் விலை மற்றும் நாணயமாற்று வீத நிலைவரங்கள்

-ச.சேகர்

 

மூன்று வருடங்களில் பதிவாகியிருந்த உயர்வான பெறுமதியை கொழும்பு பங்குச்சந்தை கடந்த வாரம் பதிவு செய்திருந்தது. இதன் காரணமாக குறுங்கால அடிப்படையில் கொழும்பு பங்குச் சந்தையில் வருமானமீட்டுவதற்கான சிறந்த வாய்ப்பு சந்தையில் ஏற்பட்டுள்ளதாக பங்கு முகவர்கள் கருத்து தெரிவித்திருந்தனர். குறிப்பாக வங்களின் வட்டி வீதங்கள் குறைந்த நிலையில் காணப்படுவதால், பெருமளவான முதலீட்டாளர்களின் கவனத்தை கொழும்பு பங்குச்சந்தை ஈர்த்துள்ளது. வெள்ளிக்கிழமை நடவடிக்கைகள் நிறைவடைந்த போது அனைத்து பங்கு விலைச் சுட்டெண் 7,087.41 ஆகவும், S&P ஸ்ரீலங்கா 20 சுட்டி 3932.81 ஆகவும் பதிவாகியிருந்தன.

 

செப்டெம்பா 01ஆம் திகதியுடன் ஆரம்பமான கடந்த வாரத்தின் இறுதியில் மொத்த பங்கு புரள்வு பெறுமதியாக ரூ. 6,197,383,895 அமைந்திருந்தது. கடந்த வாரம் மொத்தமாக 54,116 பங்கு கொடுக்கல் வாங்கல்கள் இடம்பெற்றன. இதில் உள்நாட்டு கொடுக்கல் வாங்கல்கள் 52,344 ஆகவும் வெளிநாட்டு கொடுக்கல் வாங்கல்கள் 1,772 ஆகவும் பதிவாகியிருந்தன. 

 

திங்கட்கிழமை

சிலோன் டொபாக்கோ கம்பனி மற்றும் நெஸ்லே லங்கா ஆகிய பங்குகளின் மீது விலைச் சரிவுகள் பதிவாகியிருந்ததன் காரணமாக, அ.ப.வி.சு சரிவான பெறுமதிகளை பதிவு செய்திருந்தது. நிறுவனசார் மற்றும் உயர் நிகர பெறுமதி வாய்ந்த ஈடுபாடுகள் செலான் வங்கி பங்குகளின் மீது பதிவாகியிருந்தது. இது புரள்வு பெறுமதியில் 38 வீத பங்களிப்பை வழங்கியிருந்தது. யூனியன் வங்கி, சணச அபிவிருத்தி வங்கி ஆகிய பங்குகளின் மீது சிறியளவிலான முதலீட்டாளர்களின் ஈடுபாடு பதிவாகியிருந்தது. லங்கா ஐஓசி, லாஃவ்ஸ் காஸ் மற்றும் சம்பத் வங்கி பங்குகளும் அதிகளவு கைமாறியிருந்தன.

 

செவ்வாய்க்கிழமை

சுட்டிகள் மறைபெறுமதியில் நிறைவடைந்திருந்தன. இதில் ஜோன் கீல்ஸ் ஹோல்டிங்ஸ்இ டயலொக் ஆக்சியாடா மற்றும் ஸ்ரீலங்கா ரெலிகொம் போன்ற பங்குகள் பங்களிப்பை வழங்கியிருந்தன. புரள்வு பெறுமதி 1 பில்லியன் ரூபாவை கடந்திருந்தது. நிறுவனசார் உயர் நிகர பெறுமதி வாய்ந்த ஈடுபாடு சிங்ஹபுத்ர ஃபினான்ஸ் பங்குகளின் மீது பதிவாகியிருந்தது. சிறியளவிலான முதலீட்டாளர்களின் ஈடுபாடு லங்கா ஐஓசி மற்றும் ஃபர்ஸ்ட் கெப்பிட்டல் பங்குகளின் மீது பதிவாகியிருந்தது. கொமர்ஷல் கிரெடிட் அன்ட் ஃபினான்ஸ் மற்றும் யூனியன் வங்கி ஆகியவற்றின் மீது கலப்பு ஈடுபாடு பதிவாகியிருந்தது. வெளிநாட்டவர்களின் செயற்பாடு குறைந்தளவில் காணப்பட்டது.

 

புதன்கிழமை

சிலோன் டொபாக்கோ கம்பனி, ஜோன் கீல்ஸ் ஹோல்டிங்ஸ் மற்றும் கொமர்ஷல் வங்கி ஆகியவற்றின் மீது விலை உயர்வுகள் பதிவாகியிருந்தமையின் காரணமாக சந்தை உயர் பெறுமதிகளை பதிவு செய்திருந்தது. நிறுவனசார் மற்றும் உயர் நிகர பெறுமதி வாய்ந்த ஈடுபாடு ஜோன் கீல்ஸ் ஹோல்டிங்ஸ், கொமர்ஷல் வங்கி, சம்பத் வங்கி மற்றும் யூனியன் வங்கி பங்குகள் மீது பதிவாகியிருந்தது. கொமர்ஷல் கிரெடிட், டுனாமிஸ் கெப்பிட்டல் மற்றும் என்ட்ரஸ்ட் செக்கியுரிட்டீஸ் போன்ற நிதித்துறை கம்பனிகளின் மீது சிறியளவிலான முதலீட்டாளர்கள் தமது கவனத்தை செலுத்தியிருந்தனர். இதேவேளை, வெளிநாட்டவர்கள் அதிகளவு பங்கு கொள்வனவில் ஈடுபட்டிருந்தனர்.

 

வியாழக்கிழமை

நெஸ்லே லங்கா மற்றும் புரொப்பர்டி டிவலப்மன்ட் ஆகியவற்றின் பங்களிப்புடன் சந்தை நேர்பெறுமதியில் நிறைவடைந்திருந்தது. நிறுவனசார் மற்றும் உயர் நிகர பெறுமதி வாய்ந்த ஈடுபாடு ஜோன் கீல்ஸ் ஹோல்டிங்ஸ், லங்கா ஐஓசி மற்றும் டயலொக் ஆக்சியாடா ஆகிய பங்குகளின் மீது பதிவாகியிருந்தது. கொமர்ஷல் வங்கி, எயிட்கன் ஸ்பென்ஸ் மற்றும் சிலோன் டொபாக்கோ போன்ற பங்குகளின் மீது மொத்த பங்கு கைமாறல்கள் பதிவாகியிருந்தன. இவை புரள்வு பெறுமதியில் 43 Pத பங்களிப்பை வழங்கியிருந்தன. ஒடெல் மற்றும் மாரவில ரிசோர்ட்ஸ் ஆகியவற்றின் மீது கலப்பு ஈடுபாடு பதிவாகியிருந்தது.

 

வெள்ளிக்கிழமை

கொமர்ஷல் வங்கி, ஹற்றன் நஷனல் வங்கி மற்றும் சிலோன் கோல்ட் ஸ்ரோர்ஸ் ஆகியவற்றின் பங்களிப்புடன் சுட்டிகள் நேர் பெறுமதிகளுடன் நிறைவடைந்திருந்தன. புரள்வு பெறுமதி 1.2 பில்லியன் ரூபாவை கடந்திருந்தது. உயர் நிகர பெறுமதி வாய்ந்த நிறுவனசார் ஈடுபாடுகள் ஜோன் கீல்ஸ் ஹோல்டிங்ஸ் மற்றும் டிஸ்டிலரீஸ் பங்குகளின் மீது பதிவாகியிருந்தன. அக்சஸ் என்ஜினியரிங், சம்பத் வங்கி ஆகிய பங்குகளின் மீது கலப்பு ஈடுபாடு பதிவாகியிருந்தது. வெளிநாட்டவர்கள் ஜோன் கீல்ஸ் ஹோல்டிங்ஸ், கொமர்ஷல் வங்கி மற்றும் அக்சஸ் என்ஜினியரிங் போன்ற பங்குகளை அதிகளவு கொள்வனவு செய்திருந்தனர்.

 

கடந்த வார கொடுக்கல் வாங்கல் நடவடிக்கைகளில் சுவதேஷி, டுனாமிஸ் கெப்பிட்டல், சிட்ரஸ் வாஸ்கடுவ, என்ட்ரஸ்ட் செக், மற்றும் ஹரிஸ்சந்திரா போன்றன முதல் ஐந்து சிறந்த இலாபமீட்டிய பட்டியலிடப்பட்ட கம்பனிகளாக பதிவாகியிருந்தன. 

 

செலின்சிங், லங்கா சீமெந்து, இன்டஸ்ரியல் ஏஎஸ்பிஎச், லேக் ஹவுஸ் பிரின்., மற்றும் மேர்க் சிப்பிங் போன்ற நிறுவனங்களின் பங்குகள் அதிகளவு நஷ்டமீட்டியதாக பதிவாகியிருந்தன.

தங்கம் விலை நிலைவரம்

கடந்த வாரம் 24 கெரட் தங்கத்தின் சராசரி விலை 45,200 ரூபாவாகவும், 22 கெரட் தங்கத்தின் விலை 42,300 ரூபாவாகவும் அமைந்திருந்ததாக தங்க நகை வியாபார வட்டாரங்களிலிருந்து அறிந்து கொள்ள முடிந்தது. 

 

நாணய மாற்று விகிதம்

கடந்த வாரம் டொலருக்கு நிகரான ரூபாவின் சராசரி விற்பனை பெறுமதி 131.63 ஆக பதிவாகியிருந்தது. ஐக்கிய இராச்சிய பவுணுக்கு நிகரான சராசரி விற்பனை பெறுமதி 215.34 ஆக காணப்பட்டிருந்தது.