Battle of the Blues மற்றும் Maroons கிரிக்கெட் சமர்களுக்கு ரியல் எஸ்டேட் அனுசரணை

 இலங்கையின் ரியல் எஸ்டேட் துறையில் 30 ஆண்டு கால நற்பெயரைக் கொண்டுள்ள Prime Group, நாட்டின் மிகவும் வரலாற்றுச் சிறப்புமிக்க இரு பாடசாலைக் கிரிக்கெட் சமர்களுக்கு இம்முறை உத்தியோகபூர்வ ரியல் எஸ்டேட் பங்காளராக (Official Real Estate Partner) இணைந்துள்ளது.

சமூக மற்றும் இளைஞர் அபிவிருத்திக்கான தனது அர்ப்பணிப்பை வெறும் கட்டுமானத் துறையுடன் மட்டும் மட்டுப்படுத்தாது, நாட்டின் எதிர்காலத்தை வடிவமைக்கும் பாரம்பரியங்கள் மற்றும் சமூகங்களில் முதலீடு செய்யும் நோக்கோடு இந்த அனுசரணை வழங்கப்பட்டுள்ளது.

வரலாற்றுச் சிறப்புமிக்க இரு பெரும் போட்டிகள்

அதற்கமைய, பின்வரும் இரு பிரதான போட்டிகளுக்கு Prime Group தனது ஆதரவை வழங்குகிறது:

• Battle of the Blues (147 ஆவது சமர்): றோயல் கல்லூரி மற்றும் கல்கிசை புனித தோமாவின் கல்லூரிக்கு இடையிலான போட்டி.
• Battle of the Maroons (96 ஆவது சமர்): ஆனந்த கல்லூரி மற்றும் நாலந்த கல்லூரிக்கு இடையிலான போட்டி.

சுமார் ஒன்றரை நூற்றாண்டு கால வரலாற்றைக் கொண்ட 'Battle of the Blues' சமர், விளையாட்டுக்கு அப்பால் பல தலைமுறைகளை ஒன்றிணைக்கும் பெருமைமிக்க பாரம்பரியமாகக் கருதப்படுகிறது. அதேபோல், 1924 ஆம் ஆண்டு ஆரம்பிக்கப்பட்ட 'Battle of the Maroons' போட்டித்தொடர், இலங்கையின் தேசிய கிரிக்கெட் அணிக்கு பல ஜாம்பவான்களை வழங்கிய ஒரு தளமாக விளங்குகின்றது.

இந்த மரபுமிக்க போட்டிகளுடன் இணைந்திருப்பது குறித்து Prime Group பெருமிதம் கொள்கிறது. சவால்களை எதிர்கொள்ளும் மனப்பாங்கு மற்றும் நிலையான தாக்கத்தை ஏற்படுத்தும் அர்ப்பணிப்பு போன்ற பொதுவான விழுமியங்களே இந்த பங்காளர் உடன்படிக்கைக்கு அடிப்படையாக அமைந்துள்ளன.

இது குறித்து Prime Lands (Pvt) இன் பிரதம நிறைவேற்று அதிகாரி / நிறைவேற்றுப் பணிப்பாளர் ருமிந்த ரந்தெனிய கருத்துத் தெரிவிக்கையில்:

"விளையாட்டு, சமூகம் மற்றும் நாம் போற்றிப் பாதுகாக்கும் விழுமியங்கள் ஆகிய பலமான அடித்தளங்களின் மீதே இலங்கை கட்டியெழுப்பப்பட்டுள்ளது. 147 வருட வரலாற்றைக் கொண்ட 'Battle of the Blues' மற்றும் 96 ஆவது போட்டியை எட்டியுள்ள 'Battle of the Maroons' ஆகியன உறுதியான அடித்தளங்களே நிலைத்து நிற்கும் என்பதை நிரூபித்துள்ளன. Prime Group நிறுவனமும் அதே வைராக்கியத்துடனும் உறுதியுடனும் தனது கட்டுமானங்களை மேற்கொள்கிறது. கூட்டு முயற்சி மற்றும் நற்பண்புகள் போன்ற விழுமியங்களே எமது ஒவ்வொரு வீடமைப்பு மற்றும் காணி அபிவிருத்தித் திட்டங்களுக்குப் பின்னாலுள்ள உந்துசக்திகளாகும்."

இம்முறை களமிறங்கும் றோயல், புனித தோமாவின், ஆனந்த மற்றும் நாலந்த ஆகிய நான்கு பாடசாலைகளுக்கும் Prime Group தனது மனமார்ந்த நல்வாழ்த்துக்களைத் தெரிவித்துள்ளது. போட்டியில் வெற்றி தோல்விகளுக்கு அப்பால், விளையாட்டின் உன்னதத் தன்மையும் அதன் மூலம் உத்வேகம் பெறும் எதிர்கால சந்ததியினருமே உண்மையான வெற்றியாளர்கள் என நிறுவனம் சுட்டிக்காட்டியுள்ளது.