Huawei phablet - MediaPad T2 7.0

Huawei, இலங்கை மக்களுக்கு Huawei MediaPad T2 7.0 ஐ அறிமுகம் செய்துள்ளது. இப்புதிய சாதனமானது phablet சாதனமாக வகைப்படுத்தப்பட்டுள்ளதுடன், திறன்பேசி மற்றும் tablet ஆகியவற்றின் கலப்பு சாதனமாக, tablet சாதனத்தின் வலு மற்றும் பாரிய முகத்திரையையும், திறன்பேசியின் வடிவமைப்பு மற்றும் அதன் பண்புகளையும் ஒருங்கே கொண்டுள்ளது. இந்த MediaPad மிகுந்த பெறுமதியைச் சேர்க்கவுள்ளதுடன், குடும்பத்தில் அனைவருக்கும் அன்பளிப்பாக வழங்கக்கூடிய ஒரு புத்தாக்க தெரிவாகவும் காணப்படுகின்றது. 

திறன்பேசி மற்றும் tablet சாதனம் ஆகியவற்றின் இணைந்த நன்மைகளை பயனர்களுக்கு வழங்கும் வகையில், அவை இரண்டுமே ஒன்றாக இணைந்த, ஒரு நேர்த்தியான, கையடக்கமான மற்றும் வலுவான சாதனமாக Huawei MediaPad T2 7.0 I Huawei அறிமுகப்படுத்தியுள்ளது. அதன் 4G LTE இணைப்புத்திறன் காரணமாக அதிவிரைவான தொழிற்பாட்டு அனுபவத்தைப் பயனர்கள் பெற்றுக்கொள்ள முடியும்.  

இப்புதிய சாதனத்தின் அறிமுகம் தொடர்பில் Huawei சாதனங்களின், இலங்கைக்கான உள்நாட்டு தலைமை அதிகாரியான ஹென்றி லியு கருத்து தெரிவிக்கையில், “எமது வாடிக்கையாளர்களின் வேலைப்பளு மற்றும் வாழ்க்கைமுறைகளுக்கு ஏற்ற வகையில் அவர்களுக்கு பெறுமதியைச் சேர்ப்பித்து, சௌகரியத்தை வழங்கும் உற்பத்திகளை அறிமுகப்படுத்தும் ஒரு புரட்சிகரமான மாற்றத்தை Huawei தொடர்ந்தும் முன்னெடுத்து வருகின்றது. குடும்பத்தில் எவருக்கும் அன்பளிப்பாக வழங்குவதற்கான மிகப் பொருத்தமான ஒரு தெரிவாக Huawei MediaPad மாற முடியும்,’ என்று குறிப்பிட்டார். 

இணையத்தை உலவும் (பிரவுசிங்) போதும், விளையாட்டு அம்சங்கள் அல்லது வெவ்வேறு பயன்பாடுகளுக்கிடையில் (applications) மாற்றிக்கொள்ளும் போதும் அவற்றை அதிவிரைவாக கட்டுப்படுத்துவதற்கு phablet சாதனத்தின் quad-core, 1.5GHz A7 processor உதவுகின்றது. இந்த திறன் சாதனம், வியக்கவைக்கும் 12 மணி நேர உயர்-வரையறை கொண்ட வீடியோ, 7 மணி நேர 4G இணைய உலாவல் (பிரவுசிங்) மற்றும் 23 மணி நேர அழைப்பு நேரம் ஆகியவற்றையும் வழங்ககின்றது. Android 6.0, 4100 mAh கொள்திறன் கொண்ட நீடித்து உழைக்கும் மின்கலம், WSVGA உடன் 7-அங்குல IPS முழுமையான காட்சி கொண்ட முகத்திரை போன்ற ஏனைய தொழில்நுட்ப சிறப்பம்சங்களையும் அது கொண்டுள்ளது. இந்த Huawei MediaPad T2 7.0 சாதனமானது, ரூ. 18,900 என்ற சில்லறை விலையில் கிடைக்கப்பெறுவதுடன், இதனை நாடளாவிய ரீதியில் தெரிவுசெய்யப்பட்ட முகவர்கள், சிங்கர் ஸ்ரீ லங்கா மற்றும் Huawei அனுபவ மையங்களில் பெற்றுக்கொள்ள முடியும்.