கோல்டன் கீ வைத்தியசாலையின் புதிய இணையத்தளம்

கோல்டன் கீ வைத்தியசாலையின் இணையத்தளம், முன்னேற்றமான செயற்பாடுகளுடன் அண்மையில் புத்தாக்கம் செய்யப்பட்டு புதிய தோற்றத்தையும் உத்வேகத்தையும் பெற்றதை அடுத்து அங்கு செல்வோர் வைத்தியர்களின் ஆலோசனைகளைப் பெறுவதற்கு ஒன்லைனில் ஒதுக்கீடுகளைப் பெற்றுக் கொள்வதற்கும் வைத்தியசாலையின் ஏனைய வசதிகள், சேவைகள் பற்றிய தகவல்களை எந்தவித தாமதமுமின்ற உடனுக்குடன் பெற்றுக் கொள்வதற்குமான வசதிகள் அனைத்தும் செய்யப்பட்டுள்ளன.  

நோயாளிகள் வைத்தியசாலைக்கு நேரில் செல்லாமல் அல்லது அலைபேசி அழைப்பை எடுக்காமலே ஆலோசக வைத்தியர்கள் வைத்தியசாலைக்கு வருகை தரும் தினங்களையும் நேரத்தையும் இப்பொழுது அறிந்து கொள்ளலாம். மருத்துவமனை வழங்கும் மேலதிக சேவைகள் பற்றிய தகவல்களையும் விசாரித்து அறிந்து கொள்ள முடியும்.  

மீளமைக்கப்பட்ட இணையத்தளத்துக்கு விஜயம் செய்யும் ஒருவர் சுகாதார முன்னுரிமைகளையும் ஒரு நோயாளரின் கோணத்திலிருந்து தேவைப்படும் தகவல்களையும் பெறக்கூடியதாக வடிவமைப்பும் வரைவும் புதுப்பிக்கப்பட்டுள்ளதை அறிந்து கொள்வர். இதன் மூலம் இணையத்தளத்துக்கு விஜயம் செய்பவர் அல்லது ஒரு நோயாளி அநாவசிய தாமதம் இன்றி சிகிச்சை குறித்தத் தீர்மானம் ஒன்றை எடுக்க முடியும் என்றும் வைத்தியசாலை தெரிவித்தது.