புடவை கைத்தொழிற்துறையின் புதிய நாமம் ‘டிஜே’

ஆசிய பிராந்தியத்தில் காணப்படும் ஊடுபின்னப்பட்ட புடவை (weft knit textile) உற்பத்தி நிறுவனம் அண்மையில் டிஜே ‘‘Teejay” எனும் அதன் புதிய வர்த்தக நாமத்தை அறிமுகம் செய்திருந்தது. இந்நிறுவனம் Textured Jersey என முன்னர் அழைக்கப்பட்டமை குறிப்பிடத்தக்கது. இந்த புதிய வர்த்தக நாமமானது குழும்துக்கு வித்தியாசமிக்க புத்தூக்கமானத் தன்மையை வெளிப்படுத்தி நிற்பதுடன் அனைத்து வகையான நடைமுறை அம்சங்களையும் ஒருங்கிணைப்பதாகவும் அமையும்.  

ஒருங்கிணைப்பின் மூலமாக தாய் நிறுவனமானTeejay Lanka PLC அது கொள்வனவு செய்த நிறுவனங்களை TTeejay Prints எனவும் Teejay India  எனவும் குழுமத்தின் வர்த்தக குறியீட்டு நாமதுக்கு அமைவாகு அழைக்கப்படும்.  

ஹொங்கொங்கை தளமாகக்கொண்ட டிஜே நிறுவனத்தினதும் பசுபிக் டெக்ஸ்டைல்ஸினதும் தலைவராகத் திகழும் பில்லாம், குழுமத்தின் சாதனைகள் குறித்து தாம் பெருமையடைவதாக தெரிவித்துள்ளார்.  

“16 வருடங்களுக்கு முன்னர் ஆரம்பிக்கப்பட்டதிலிருந்து டிஜே இன்று வரை நீண்ட பயணத்தைக் கடந்து வந்துள்ளது. வர்த்தக ரீதியில் நோக்குமிடத்து, சிறந்த பங்காளித்துவமாக விளங்குவது மாத்திரமன்றி இதுவரைக் காலப்பகுதியில் இந்த நிறுவனத்தினால் சாதிக்க முடிந்த விடயங்கள் மகத்தானதாகும்.  

‘‘Teejay” என வர்த்தக நாமம் சூடப்பட்டமையானது சரியான தடத்தில் முன்னெடுக்கப்பட்டுள்ள மற்றுமொரு நகர்வாகும். இது குழுமம் என்ற வகையில் விசேட அங்கிகாரத்தைப் பெற்றுத்தரும் என்பது உறுதி. புதிய உச்சங்களை தொடுவதற்குw இது உந்துசக்தியாக திகழும் என்பது திண்ணம்” என பில்லாம் நம்பிக்கை வெளியிட்டார்.