700 பேருக்கு காணி ஆவணங்கள்

-சண்முகம் தவசீலன், எஸ்.என்.நிபோஜன்  

கிளிநொச்சி, கரைச்சி பிரதேசத்தில், சுமார் 700 பேருக்கான காணி ஆவணங்கள் வழங்கி வைக்கப்பட்டுள்ளன.  

கிளிநொச்சி, கரைச்சி பிரதேச செயலக பிரிவுக்குட்பட்ட கிராமங்களைச் சேர்ந்த 700 பேருக்கே, இந்தக் காணி ஆவணங்கள் வழங்கப்பட்டுள்ளன.  

கிளிநொச்சி மத்திய கல்லூரியில், வடக்கு மாகாண சபையும் கிளிநொச்சி மாவட்டச் செயலகமும் இணைந்து, சனிக்கிழமை (01) நடத்திய குறைநிவர்த்தி நடமாடும் சேவையின் போதே, இந்தக் காணி ஆவணங்கள் வழங்கபட்டன.  

ஏற்கெனேவே, காணிக் கச்சேரிகள் நடத்தப்பட்டு, பிரச்சினைகள் தீர்க்கப்பட்ட நிலையில் காணப்பட்ட பயனாளிகளுக்கான காணி அனுமதிப் பத்திரங்களையே, வட மாகாண முதலமைச்சர் சி.வி.விக்னேஸ்வரன் வழங்கி வைத்துள்ளார்.