விதிகளை மீறிய வர்த்தகர்களுக்கு அபராதம்

-சுப்பிரமணியம் பாஸ்கரன்

பாவனையாளர் அலுவல்கள் அதிகார சபையின் சட்டத்தை மீறி வர்த்தகத்தில் ஈடுபட்ட கிளிநொச்சி மாவட்டத்தைச் சேர்ந்த 26 வர்த்தகர்களுக்கு 93, 500 ரூபாய் அபராதம் விதிக்கப்பட்டுள்ளது.

கிளிநொச்சி, பரந்தன், புளியம்பொக்கணை, கண்டாவளை ஆகிய பகுதிகளில் விலைகள் காட்சிப்;படுத்தாமல் பொருட்கள் விற்பனை செய்தமை, காலாவதியான பொருட்கள் விற்பனை செய்தமை, அதிகூடிய விலைகளில் பொருட்களை விற்பனை செய்தமை போன்;ற குற்றச்சாட்டுக்களுடன் தொடர்புடைய 26 வர்த்தகர்கள் பாவனையாளர் அலுவல்கள் அதிகார சபையின் அதிகாரிகளால் பிடிக்கப்பட்டனர்.

இவர்களுக்கு எதிராக கிளிநொச்சி நீதிமன்றத்தில் வழக்குத் தாக்கல் செய்யப்பட்டது. இந்த வழக்கு வியாழக்கிழமை (06) விசாரணைக்கு எடுத்துக்கொள்ளப்பட்டபோதே இவ்வாறு அபராதம் விதிக்கப்பட்டது.