16 மாத காலப்பகுதியில், 3 ஆயிரத்து 672 வெடிபொருட்கள் அகற்றப்பட்டுள்ளன

கிளிநொச்சி முல்லைத்தீவு மாவட்டங்களில் கண்ணிவெடியகற்றும் பணிகளை முன்னெடுத்து வரும் சார்ப் நிறுவனம், கடந்த 16 மாத காலப்பகுதியில், 3 ஆயிரத்து 672 அபாயகரமான வெடிபொருட்களை அகற்றியுள்ளது.

முல்லைத்தீவு மாவட்டத்தில் ஒட்டுசுட்டான் பிரதேச செயலகத்தின் கீழ் உள்ள அம்பகாமம் மற்றும் தச்சடம்பன் பகுதியிலும்;, கிளிநொச்சி மாவட்டத்தில் பச்சிலைப்பள்ளி பிரதேச செயலகத்தின் கீழ் உள்ள முகமாலையிலும் 3 இலட்சத்து 76 ஆயிரத்து 903 சதுரமீற்றர் பரப்பளவில் இருந்து 3 ஆயிரத்து 672 அபாயகரமான வெடிபொருட்களை அகற்றியுள்ளது.

முன்னாள் போராளிகள் மற்றும் வறுமை நிலையில் உள்ள குடும்பங்களுக்கான தொழில் வாய்ப்பை வழங்கும் வகையில், இந்நிறுவனத்தில் 118 பணியாளர்கள் கண்ணிவெடியகற்றும் நடவடிக்கையில் ஈடுபட்டுள்ளனர். இதில் 11 பெண் பணியாளர்களும் அடங்குகின்றனர் என்பது குறிப்பிடத்தக்கது.