2 கமநல சேவை நிலையங்கள் அமைக்க நடவடிக்கை

-சுப்பிரமணியம் பாஸ்கரன்

கிளிநொச்சி மாவட்டத்தின் பரந்தன், கண்டாவளை ஆகிய பகுதிகளில் இரண்டு கமநல சேவை நிலையங்களை அமைப்பதற்கான வேலைத்திட்டங்கள் முன்னெடுக்கப்பட்டுள்ளன

இதற்கமைய, குமரபுரம், பரந்தன், உமையாள்புரம், ஆனையிறவு, தட்டுவன்கொட்டி, கோரக்கன்கட்டு ஆகிய 6 கிராம அலுவலர் பிரிவுகளை உள்ளடக்கிய வகையில், 1,883 விவசாய குடும்பங்களுக்கு சேவை வழங்கும் வகையில், பரந்தன் கமநல சேவை நிலையம் அமைக்கப்படவுள்ளது.

அத்துடன், ஊரியான், முரசுமோட்டை, கண்டாவளை ஆகிய மூன்று கிராம அலுவலர் பிரிவுகளை  உள்ளடக்கிய வகையில், 1,443 விவசாய குடும்பங்களுக்கு சேவை வழங்கும் வகையில், கண்டாவளை கமநல சேவை நிலையத்தையும் அமைப்பதற்கான வேலைத்திட்டங்கள் முன்னெடுக்கப்பட்டுள்ளன.