இளம் குடும்ப பெண் சடலமாக மீட்பு

-சுப்பிரமணியம் பாஸ்கரன் 

கிளிநொச்சி, புளியம்பொக்கனை பெரியகுளம் பகுதியிலுள்ள வீடொன்றின் கிணற்றிலிருந்து ஞாயிற்றுக்கிழமை (12) காலையில் இளம் குடும்பப் பெண்ணொருவரின் சடலம் மீட்கப்பட்டுள்ளதாக கிளிநொச்சி பொலிஸார் தெரிவித்தனர். 

அதேயிடத்தைச் சேர்ந்த கிருபாகரன் சிவரூபினி (வயது 24) என்ற 1 ½ வயதுக் குழந்தையின் தாயே இவ்வாறு சடலமாக மீட்கப்பட்டார். 

இவர் கொலை செய்யப்பட்டு கிணற்றுக்குள் போடப்பட்டிருக்கலாம் என அவரது உறவினர்கள் பொலிஸாருக்கு தெரிவித்துள்ளனர். 

சடலம், கிளிநொச்சி மாவட்ட பொது வைத்தியசாலையில் வைக்கப்பட்டுள்ளதாகவும் மேலதிக விசாரணைகளை மேற்கொண்டு வருவதாகம் பொலிஸார் கூறினர்.