ஆசிரியர் நியமனம் கோரி மகஜர் கையளிப்பு

-நா.நவரத்தினராசா

மன்னார் மாவட்டத்தைச் சேர்ந்த மனைப்பொருளியல் பட்டதாரிகள் 14பேர், தங்களுக்கான ஆசிரியர் நியமனத்தை வழங்கக்கோரி வடமாகாண முதலமைச்சர் சி.வி.விக்னேஸ்வரனிடம் மகஜரொன்றைக் கையளித்தனர்.

வடமாகாண சபையின் மாதாந்த அமர்வு கைதடியில் அமைந்துள்ள வடமாகாண சபையில் வியாழக்கிழமை (30) நடைபெறுகையில், அங்கு வருகை தந்த முதலமைச்சரிடமே இவர்கள் தங்களது கோரிக்கை அடங்கிய மகஜரை கையளித்தனர்.

கலைப்பீடத்தில் மனைப் பொருளியலை சிறப்புப் பாடமாகக் கற்று, கடந்த 2012ஆம் ஆண்டு வெளியேறியவர்களே இவ்வாறு மகஜர் கையளித்தனர்.