4 குளங்கள் வான் பாய்கின்றன

முல்லைத்தீவு முத்தையன் கட்டு நீர்ப்பாசனத்திணைக்களத்தின் கீழுள்ள உடையார் கட்டு மற்றும் விசுவமடுக்குளம் உள்ளிட்ட 4  குளங்கள் முழுமையான நீர் தேங்கி வான் பாய்கின்றன என முத்தையன் கட்டு நீர்ப்பாசனத் திணைக்களம் தெரிவித்துள்ளது.

உடையார்கட்டு குளத்தின் நீர் மட்டம் 23 அடி 5 அங்குலமாகவும் மருதமடுக்குளத்தின் நீர் மட்டம் 14 அடி 3 அங்குலமாகவும் விசுவமடுக்குளத்தின் நீர் மட்டம் 20 அடி 4 அங்குலமாகவும் தட்டையர் மலை குளத்தின் நீர் மட்டம் 13 அடி 9 அங்குலமாகவும் உயர்வடைந்து முழுமையாக நீர் தேங்கி வான் பாய்கின்றன.

இது தவிர ஏனைய குளங்களான முத்துஐயன்கட்டுக்குளத்தின் நீர்மட்டம் 15 அடி 11 அங்குலமாகவும் கணுக்கேணிக்குளத்தினுடைய நீர்மட்டம் 11 அடி 3 அங்குலமாகவும் தண்ணீர் முறிப்புக்குளத்தினுடைய நீர்மட்டம் 17 அடி 4 அங்குலமாகவும் மடவாளசிங்கன்குளத்தின் நீர்மட்டம் 15 அடியாகவும் உயர்வடைந்துள்ளதாக தெரிவிக்கப்பட்டுள்ளது.