7 கிலோ கஞ்சாவுடன் ஒருவர் கைது

- சே.கீதாஞ்சன்

முல்லைத்தீவிலிருந்து வெளி மாவட்டத்துக்கு 7 கிலோகிராம் கஞ்சாவை கடத்த முயன்ற ஒருவரை இன்று (09) கைது செய்துள்ளதாக முல்லைத்தீவு பொலிஸார் தெரிவித்துள்ளனர்.

பொலிஸாருக்கு கிடைக்கப்பெற்ற இரகசிய தகவலையடுத்து பொலிஸார் மேற்கொண்ட சோதனை நடவடிக்கையின்போது கல்முனை பகுதியைச்சேர்ந்த நபரை பொலிஸார் கைது செய்ததுடன் அவரிடமிருந்து 7 கிலோகிராம் கஞ்சா பொதியையும் மீட்டுள்ளனர்.

மேலதிக விசாரணைகளை பொலிஸார் மேற்கொண்டு வருகின்றனர்.