இயக்கச்சியில் கஞ்சாவுடன் பெண் கைது

- எஸ்.என். நிபோஜன், நடராசா கிருஸ்ணகுமார், கே. மகா

கிளிநொச்சி பச்சிலைப்பள்ளி பிரதேச செயலக பிரிவின் இயக்கச்சி பகுதியில் வைத்து கேரள கஞ்சாவுடன் பெண்ணொருவா் கைது செய்யப்பட்டுள்ளதாக பொலிஸார் தெரிவித்துள்ளனா்.

வெற்றிலைக்கேணி பகுதியிலிருந்து கொள்வனவு செய்யப்பட்ட கஞ்சா பொதியுடன் திருகோணமலைக்கு செல்லவிருந்த நிலையில், இயக்கச்சி பகுதியில் வைத்து, 4.7 கிலோகிராம் கஞ்சாவுடன் முல்லைத்தீவு மாவட்ட பிரதி பொலிஸ் மா அதிபரின் விசேட பிரிவினரால் குறித்த பெண் இன்று (23) மாலை கைது செய்யப்பட்டுள்ளாா்.

கைது செய்யப்பட்டுள்ள பெண் 32 வயதுடையவா் எனத் தெரிவித்த பொலிஸார் மேலதிக விசாரணைகளை மேற்கொண்டு வருகின்றனா்.