கூட்டுவலைகளைப் பயன்படுத்தியவர்களுக்கு அபராதம்

-எஸ்.அரசரட்ணம்

முல்லைத்தீவு, நந்திக்கடல் நீரேரியில் தடை செய்யப்பட்ட கூட்டு வலையைப் பயன்படுத்தி மீன்பிடித்த 12 மீனவர்களுக்கு 1 இலட்சத்து 15 ஆயிரம் ரூபாய் அபராதம் விதித்து, முல்லைத்தீவு நீதவான் எஸ்.எம்.எஸ்.ஸம்சுதீன், நேற்று வியாழக்கிழமை (29) தீர்;ப்பளித்தார்.

முல்லைத்தீவு கடற்றொழில் நீரியல் வளத்துறை அதிகாரிகள் புதன்கிழமை (28) நந்திக்கடல் பகுதியில் நடத்திய சோதனை நடவடிக்கையில், இந்த 12 மீனவர்களும் பிடிக்கப்பட்டனர்.

மீனவர்கள் இன்று நீதிமன்றத்தில் ஆஜர்ப்படுத்தப்பட்ட போது, அவர்கள் தங்கள் குற்றங்களை ஏற்றுக்கொண்டனர். இதனையடுத்து, அவர்களுக்கு அபராதம் விதிக்கப்பட்டதுடன், அவர்களிடமிருந்து கைப்பற்றப்பட்ட வலைகளை அழிக்குமாறு நீதவான் உத்தரவிட்டார்.