கிளிநொச்சியில் நடைபவனி

-சண்முகம் தவசீலன்

மதுபாவனைக்கு எதிரான வாசகங்களை தாங்கிய வண்ணம், கிளிநொச்சியின் வளமான எதிர்காலத்துக்கான இளைஞர் சக்தி என்னும் தொனிப்பொருளில், வியாழக்கிழமை(26), நடைபவனியொன்று நடைபெற்றது.

இந்நடைபவனி, கிளிநொச்சி டிப்போ சந்தியிலிருந்து ஆரம்பித்து, கிளிநொச்சி மாவட்ட செயலகம் வரையில் சென்றடைந்தது. வடமாகாண கல்வி பண்பாட்டலுவல்கள், விளையாட்டுத்துறை மற்றும் இளைஞர் சேவை மன்றமும் இணைந்து இந்நிகழ்வினை ஏற்பாடு செய்திருந்தது.

வட மாகாணசபை உறுப்பினர் பசுபதிப்பிள்ளை, கிளிநொச்சி தேசிய இளைஞர் சேவை மன்ற பொறுப்பதிகாரிகள் உத்தியோகத்தர்கள், பாடசாலை மாணவர்கள், இளைஞர்கள், யுவதிகள் இலங்கை தொழிற்பயிற்சி அதிகாரசபை மாணவர்கள், ஆசிரியர்கள் எனப் பலரும் கலந்துகொண்டனர்.