கம்பரின் நினைவு தினம்

-க. அகரன்

கவிச்சக்கரவர்த்தி கம்பரின் நினைவு தினம், வவுனியா - சூசைப்பிள்ளையார்குளத்தில் அமைந்துள்ள கம்பரின் சிலைக்கருகில், இன்று (21) காலை அனுஷ்டிக்கப்பட்டது.

வவுனியா நகரசபையின் தவிசாளர் இ. கௌதமன் தலைமையில் இடம்பெற்ற இந்நிகழ்வில், தமிழருவி த. சிவகுமாரன், தமிழ் மாமணி அகளங்கன் ஆகியோர் சிறப்புரையாற்றினர்.

இதில், நகரசபை உறுப்பினர்கள்,  சமூக ஆர்வலர்கள், நகரசபையின் செயலாளர் இ. தயாபரன், உப தவிசாளர் சு. குமாரசுவாமி, தமிழ் மா மன்றத்தின் உறுப்பினர்கள் வைத்திய கலாநிதிகளான செ. மதுரகன், கிருபானந்தகுமார் உட்பட பலரும் கலந்துகொண்டிருந்தனர்.