கிணறுகள் வற்றியமையால் சிரமம்

முல்லைத்தீவு கேப்பாப்புலவு மாதிரிக் கிராமத்தில் கிணறுகள் வற்றியுள்ள நிலையில், கிராம மக்கள் நீரைப் பெற்றுக் கொள்வதில் சிரமங்களை எதிர்கொண்டுள்ளனர்.

முல்லைத்தீவு கேப்பாப்புலவு கிராமத்தில் மீள்குடியேறுவதற்கு அனுமதிக்கப்படாத நிலையில் 298 வரையான குடும்பங்கள் கேப்பாப்புலவு மாதிரிக் கிராமத்தில் வசித்து வருகின்றனர்.

இந்நிலையில், கேப்பாப்புலவு மாதிரிக் கிராமத்திலுள்ள குடும்பங்களின் நீர்த் தேவைகளுக்கு அமைக்கப்பட்டுள்ள 11 பொதுக் கிணறுகளும் நீர் வற்றிக் காணப்படுகின்றன.

இதனால் இங்கு வாழும் 298 வரையான குடும்பங்களும் சிரமங்களை எதிர்கொண்டு வருகின்றமை குறிப்பிடத்தக்கது.