கிளிநொச்சியில் விபத்து: ஒருவர் பலி

கிளிநொச்சி, ஏ9 வீதி, 264 ஆவது மைல்கல் பகுதியில் இன்று (12) காலை இடம்பெற்ற விபத்தில் ஒருவர் உயிரிழந்துள்ளார். இயங்காத நிலையில், நிறுத்தி வைக்கப்பட்டிருந்த பஸ் மீது, மோட்டார் சைக்கிளில் வந்த நபர் மோதியதன் காரணமாகவே விபத்து இடம்பெற்றுள்ளது.

இச்சம்பவத்தில் யாழ்ப்பாணம் பருத்தித்துறையைச் சேர்ந்த கணபதிப்பிள்ளை அன்னலிங்கம் (66) என்பவரே உயிரிழந்துள்ளதாக பொலிஸார் தெரிவித்தனர்.