குடிமனைக்குள் புகுந்த முதலையால் பதற்றம்

-க. அகரன்

வவுனியா – ஓமந்தை, அரசங்குளம் பகுதியிலுள்ள வீடொன்றுக்குள், நேற்று (31) இரவு, புகுந்த 5 அடி நீளமான முதலையால் பதற்ற நிலை ஏற்பட்டது.

அரசங்குளம் பகுதியிலுள்ள வீடொன்றுக்குள் நேற்று முன்தினம் இரவு 8 மணியளவில், முதலையொன்று புகுந்துள்ளது. வீட்டிலிருந்த நாய் குரைக்கும் சத்தத்தை கேட்டு கதவை திறந்து வெளியே வந்து பார்த்த வீட்டு உரிமையாளர், வீட்டு முற்றத்தில் 5 அடி நீளமான முதலை ஒன்றை அவதானித்துள்ளார்.

இதையடுத்து, இன்று (01) காலை ஸ்தலத்துக்கு விரைந்த வவுனியா வனஜீவராசிகள் திணைக்கள அதிகாரிகள், முதலையை மீட்டு பாதுகாப்பான இடத்தில் விடுவித்துள்ளனர்.

நீர்நிலை தேடியே, இந்த முதலை ஊர்மனைக்குள் வந்துள்ளதாக, அப்பகுதி மக்கள் தெரிவித்துள்ளனர்.