குடியிருப்புக்குள் இருந்து முதலை மீட்பு

-க. அகரன் 

வவுனியா  - நெளுக்குளத்தில் உள்ள குடியிருப்புக்குள் இருந்து, இன்று (22) அதிகாலை, 6 அடி நீளமான முதலை ஒன்று மீட்கப்பட்டுள்ளது. 

 நேற்று அதிகாலை 1 மணியளவில், நெளுக்குளம் பகுதியில் அமைந்துள்ள வீடொன்றுக்குள் முதலை ஒன்று நுழைந்துள்ளது. 

இதை அவதானித்த வீட்டு உரிமையாளர், அயலவர்களின் உதவியுடன் குறித்த முதலையைப் பிடித்ததுள்ளனர். 

இது தொடர்பில், வனஜீவராசி திணைக்களத்துக்குத் தெரியப்படுத்தியதைத் தொடர்ந்து, ஸ்தலத்துக்கு விரைந்த வனஜீவராசி திணைக்களத்தினர், குறித்த முதலையை மீட்டனர்.