சந்தை வீதியில் நவீன இறைச்சிக் கடைகள் உருவாக்கம்

-க. அகரன்

வவுனியா - சந்தை வீதியில் அமைந்துள்ள நகரசபையின் பொதுமலசலகூடம் அமைந்துள்ள பகுதியில், நவீன வசதியுடன் கூடிய இறைச்சிக் கடைகள் அமைக்கப்பட்டவுள்ளன என, வவுனியா நகரசபை தவிசாளர் இ.கௌதமன் தெரிவித்தார்.

குறித்த பகுதியில் பல்வேறு சமூகசீர்கேடான சம்பவங்கள் இடம்பெற்றுவருவதாக கிடைக்பெற்ற தொடர்ச்சியான முறைப்பாடுகளைக் கருத்தில் கொண்டே, சந்தைவீதியில் அமைந்துள்ள  நகரசபையின் பொதுமலசலகூடத்தை அகற்றி, அங்கு நவீன வசதிகளுடன்கூடிய, இறைச்சிக் கடைகளையும் புதிய மலசலகூடம் ஒன்றையும் அமைப்பதற்கான திட்டங்களை வகுத்துள்ளதாகவும், அவர் கூறினார்.