‘சுகாதார முறைப்படி பால் கொள்வனவு செய்வதில்லை’

-நடராசா கிருஸ்ணகுமார்

முல்லைத்தீவு மாவட்டத்தில் பால் கொள்வனவில் ஈடுபடுகின்ற நிறுவனங்கள் பாலை சுகாதார முறைப்படி கொள்வனவு செய்வதில்லையென, அப்பகுத மக்கள் தெரிவித்துள்ளனர்.

வீதியோரங்களில் மக்கள் கூடுகின்ற இடங்களில் பாலினை வைத்து கொள்வனவு செய்வதன் காரணமாக, பாலுக்கான சுகாதாரத் தன்மை குறைந்து காணப்படுவதாகவும் பாலைக் கொள்வனவு செய்யும் இடங்கள் நிரந்தரக் கட்டடங்களாக இருக்க வேண்டும் எனவும் வலியுறுத்தப்படுகின்றது. 

ஆனால் பாலைக் கொள்வனவு செய்யும் நிறுவனங்கள் பாதுகாப்பற்ற இடங்களில் இருந்து பாலைக் கொள்வனவு செய்து கொண்டு செல்வதாகவும் இது தொடர்பாக சுகாதாரப் பரிசோதகர்கள் நடவடிக்கை எடுக்க வேண்டுமெனவும், பொதுமக்கள் வேண்டுகோள் விடுத்துள்ளனர்.

மேலும், பாலை பாதுகாப்பான முறையில் கொள்வனவு செய்வதற்கு அதிகாரிகளும் நிறுவனங்களும் கவனஞ் செலுத்த வேண்டும்.  பாதுகாப்பற்ற முறையில் பாலினைக் கொள்வனவு செய்யும் நிறுவனங்கள் மீது நடவடிக்கை எடுக்க வேண்டும் எனவும், பொதுமக்கள் வலியுறுத்தியுள்ளனர்.