தடுப்பூசி பெறுவதற்கு 69 ஆயிரம் பேர் தகுதி

-சுப்பிரமணியம் பாஸ்கரன்

கிளிநொச்சி மாவட்டத்தில், 69 ஆயிரத்து 704 பேர் தடுப்பூசிகளை பெற்றுக்கொள்வதற்கு தகுதிபெற்றுள்ளனரென, கிளிநொச்சி மாவட்டப் பிராந்திய சுகாதார சேவைகள் பணிமனை தகவல்கள் தெரிவிக்கின்றன.

கிளிநொச்சி மாவட்டத்தில், தற்போது தடுப்பூசி வழங்கும் செயற்பாடுகள் முன்னெடுக்கப்பட்டுள்ளன. அந்த வகையிலேயே,  கிளிநொச்சி மாவட்டத்தில், சுகாதாரத்துறை ஊழியர்கள் மற்றும் சுகாதாரத் துறையில் பணியாற்றும் ஊழியர்களென 1,174 பேருக்கு இது வரைக்கும் தடுப்பூசி வழங்கப்பட்டிருபபதாக, அத்தகவல்கள் தெரிவிக்கின்றன.

இதேவேளை, கிளிநொச்சி மாவட்டத்தில் கடமையாற்றுகின்ற பொலிஸ் உத்தியோகத்தர்கள் 450 பேருக்கு, தடுப்பூசிகளுக்கான  தேவைப்பாடுகள் இருப்பதாகவும் தெரிவிக்கப்பட்டுள்ளது.