பொலிஸ் மீது தாக்குதல்: சந்தேகநபரின் விளக்கமறியல் நீடிப்பு

கடமையில் இருந்த பொலிஸ் உத்தியோகத்தர் மீது தாக்குதல்  நடத்திய  குற்றச்சாட்டில்  கைது செய்யப்பட்ட தர்மபுரம் கட்டைக்காடு பிரதேசத்தைச் சேர்ந்த ஆறுமுகம் நவநீதராசா என்ற  நபரை  எதிர்வரும் 8ஆம் திகதிவரை விளக்கமறியலில் வைக்குமாறு கிளிநொச்சி நீதவான் நீதிமன்றம், வெள்ளிக்கிழமை உத்தரவிட்டுள்ளது.

கடந்த மாதம் 25ஆம் திகதி  கிளிநொச்சி ஏ-9 வீதி வைத்தியசாலைப்  பகுதியில்  பொலிஸார் மற்றும் இளைஞர்களுக்கு இடையில் ஏற்பட்ட பிரச்சினையின்போது, கடமையில் இருந்த பொலிஸ் உத்தியோகத்தர் மீது தாக்குதல்  நடத்திய  குற்றச்சாட்டில் அவர் கைதுசெய்யப்பட்டிருந்தார்.

தொடர்ந்து, கடந்த மாதம்  31ஆம் திகதி, அடையாள அணிவகுப்புக்கு  காயமடைந்த  பொலிஸ் உத்தியோகத்தர்  சமூகமளிக்காத  நிலையில, சந்தேகநபர்,  நேற்று 4ஆம் திகதிவரை விளக்கமறியலில வைக்கப்பட்டார்.

இந்நிலையில், நேற்றையதினமும் காயமடைந்த  பொலிஸ் உத்தியோகத்தர், நீதிமன்றத்துக்கு சமூகமளிக்காத  நிலையில், சந்தேகநபரின் விளக்கமறியல் நீடிக்கப்பட்டுள்ளது.