பிரச்சினைகளைக் கேட்க வருகை தராத மக்கள் பிரதிநிதிகள்

கரைச்சி பிரதேச ஒருங்கிணைப்புக்குழுக் கூட்டம், பூநகரி பிரதேச ஒருங்கிணைப்புக் குழுக்கூட்டம் ஆகியவற்றில், நாடாளுமன்ற மற்றும் மாகாணசபை உறுப்பினர்கள் பலர் கலந்து கொள்ளவில்லை.

கரைச்சி பிரதேச ஒருங்கிணைப்புக்குழுக் கூட்டம், பூநகரி பிரதேச ஒருங்கிணைப்புக்குழுக் கூட்டம் என்பன, இன்று (18) இடம்பெற்றன. இவற்றில், நாடாளுமன்ற உறுப்பினர்களான எம்.ஏ.சுமந்திரன், கே.என்.டக்ளஸ் தேவானந்தா, ஈ.சரவணபவன், வடமாகாண சபை போக்குவரத்து அமைச்சர் பா.டெனீஸ்வரன், சுகாதார அமைச்சர் ப.சத்தியலிங்கம், மாகாண சபை உறுப்பினர் வை.தவநாதன் ஆகியோருக்கான ஆசனங்கள் ஒதுக்கப்பட்டிருந்த போதும், அவர்கள் இக்கூட்டத்தில் கலந்துகொள்ளவில்லை.

இதேவேளை, திங்கட்கிழமை இடம்பெற்ற கண்டாவளைப் பிரதேச ஒருங்கிணைப்புக் குழுக்கூட்டம் மற்றும் பச்சிலைப்பள்ளி பிரதேச ஒருங்கிணைப்புக் குழுக்கூட்டம் ஆகியவற்றிலும், இவர்கள் கலந்துகொள்ளவில்லை என்பது குறிப்பிடத்தக்கது.