புதுக்குடியிருப்பில் 10 பேர் கைதாகி விடுதலை

-செ.கீதாஞ்சன்

புதுக்குடியிருப்பில் இயங்கிவந்த ஆடைத்தொழிற்சாலை, இன்று திறக்கப்பட்டமைக்கு எதிர்ப்பு நடவடிக்கையை முன்னெடுத்த 10 பேரும் விடுதலை செய்யப்பட்டுள்ளனர்.

புதுக்குடியிருபு;பு - ஒட்டுசுட்டான் வீதியில் மக்கள் எதிர்பைக் கட்டுப்படுத்துவதற்காக  அதிகாலை வேளையில் குறித்த பகுதிக்கு சென்ற புதுக்குடியிருப்பு பிரதேச சபையின் உப தவிசாளர் க.ஜெனமேஐயந் உள்ளிட்ட கிராம அபிவிருத்தி சங்கத்தின் நிர்வாகிகள் உள்ளிட்ட 10 பேரை புதுக்குடியிருப்பு பொலிஸார் கைதுசெய்தனர்.

இவர்கள் மீது கொவிட்-19 சட்டத்தின் கீழ் வழக்கு பதிவுசெய்யப்பட்டு, பொலிஸ் நிலையத்தில் தடுத்துவைக்கப்பட்டு விசாரணைகளின் பின்னர், பொலிஸ் பிணையில் விடுவிக்கப்பட்டுள்ளார்கள்;.

இதேவேளை, புதுக்குடியிருப்பு பிரதேசத்தில் நிலமைகளை கட்டுக்குள் கொண்டுவரும் வரை ஆடைத்தொழிற்சாலையை இயங்கவிடவேண்டாம் என, புதுக்குடியிப்பு வணிகர் சங்கத்தினால் புதுக்குடியிருப்பு பொலிஸ் நிலையத்தில் முறைப்பாடு செய்யப்பட்டுள்ளதாக, வணிகர் சங்கத்தலைவர் நவநீதன் தெரிவித்துள்ளார்.