புதுக்குடியிருப்பில் தொற்று நீக்கும் செயற்பாடு

-செ.கீதாஞ்சன், சண்முகம் தவசீலன்

முல்லைத்தீவு - புதுக்குடியிருப்பு நகர் பகுதியை சுத்தம் செய்து தொற்று நீக்கும் நடவடிக்கையில் படையினர், இன்று (23) ஈடுபட்டுள்ளார்கள்.

புதுக்குடியிருப்பு பிரதேசத்தில், அதிகளவு கொரோனா தொற்றாளர்கள் இனங்காணப்பட்டுள்ள நிலையில், புதுக்குடியிருப்பு நகர்பகுதி வீதிகளின் இரு மருங்குகளையும் மற்றும் பொது சந்தையையும் சுத்தம் செய்து, தொற்றும் நீக்கும் நடவடிக்கையில் படையினர் ஈடுபட்டுள்ளனர்.

முல்லைத்தீவு மாவட்ட படைத்தலைமையக அதிகாரி மேஜர் ஜெனரல் உப்புல் ராஜபக்ஷ மற்றும் 68ஆவது படைத்தளதி பிரிகேடியர் பண்டார ஆகியோரின் கண்காணிப்பின் கீழ் புதுக்குடியிருப்பு நகர் பகுதி சுத்தம் செய்து தொற்று நீக்கப்பட்டுள்ளமை குறிப்பிடத்தக்கது.