பொலிஸாரும் மக்களும் இணைந்து நடத்திய தேடுதலில் 61 கோடா போத்தல்கள் மீட்பு

-மு.தமிழ்ச்செல்வன்

கிளிநொச்சி – கோணாவில் பகுதியில், இன்றைய தினம் (07), அப்பகுதி மக்களும் பொலிஸாரும் இணைந்து முன்னெடுத்த தேடுதல் நடவடிக்கையின் போது, பற்றைக்காட்டுக்குள்  இருந்து 61 கோடா போத்தல், கசிப்பு உற்பத்தி பொருள்கள், கொள்கலன் உள்ளிட்ட பல பொருள்கள் மீட்கப்பட்டுள்ளன.

இதேவேளை, ஊற்றுபுலம் பகுதியில், 7 கசிப்பு போத்தல்கள், கசிப்பு உற்பத்தி பொருள்கள் என்பன மீட்கப்பட்டுள்ளன.

இதன்போது கருத்துத் தெரிவித்த கிளிநொச்சி மாவட்டப் பொலிஸ் நிலைய மது ஒழிப்புக் குற்றப் பிரிவின் அதிகாரி சதுரங்க, கிளிநொச்சி - கோணாவில் கிராம மக்கள், ஏனைய கிராமங்களுக்கு ஓர் எடுத்துக்காட்டாக அமைய வேண்டுமெனவும் கூறினார்.

இவர்களைப் போன்று, ஏனைய கிராம மக்களும் இணைந்துச் செயற்பட்டால், கிளிநொச்சி மாவட்டத்தில், சட்டவிரோதச் செயற்பாடுகளை முற்றாக நிறுத்த முடியுமென்றும், அவர் தெரிவித்தார்.