‘போதைப்பொருள் பாவனையே முன்னேற்றத்தைத் தடுக்கிறது’

வறுமைக்கோட்டுக்கு உட்பட்ட கிராமங்களின் முன்னேற்றத்தை, போதைப்பொருள் பாவனையே தடுப்பதாக, நாடாளுமன்ற உறுப்பினர் அங்கஜன் இராமநாதன் தெரிவித்தார்.

கலைவாணி சனசமூக நிலையத்தின் 60ஆவது ஆண்டு நிறைவு விழா, யங்கம்பன்ஸ் விளையாட்டு மைதானத்தில், கடந்த ஞாயிற்றுக்கிழமை (24) மாலை நடைபெற்றது. இதில் கலந்துகொண்டு உரையாற்றும் போதே, அவர் மேற்கண்டவாறு தெரிவித்தார்.

அங்கு தொடர்ந்துரையாற்றிய அவர், ஜனாதிபதி மைத்திரிபால சிறிசேனவால், போதையற்ற தேசத்தை உருவாக்குவதற்காக முன்னெடுக்கப்படும் அண்மைக்காலச் செயற்பாடுகள், மக்களுக்கு நம்பிக்கையை ஏற்படுத்தியுள்ளதாகவும், அவர் கூறினார்.