மன்னாரில் கடும் மழை; வான் பாயும் கட்டுக்கரைகுளம்

-எஸ்.றொசேரியன் லெம்பேட்

மன்னார் மாவட்டத்தில், நிலவும் மழையுடனான வானிலை காரணமாக, முருங்கன் கட்டுக்கரைகுளம் நிரம்பி வான் பாய்ந்து வருகின்றது.

இதனால், அப்பகுதியில் உள்ள சிறிய, நடுத்தர குளங்களும் நிறைந்து வான் பாய்ந்து வருகின்றன.

இதன் காரணமாக, மன்னார், நானாட்டான், முசலி, மாந்தை மேற்கு, மடு ஆகிய பிரதேசச் செயலாளர் பிரிவுகளில் உள்ள சுமார் 200 ஏக்கர் நெற்செய்கை பாதிப்படைந்துள்ளது.