மாங்குளத்தில் ஓட்டோ சாரதிகள் தனிமைப்படுத்தல்

-செ.கீதாஞ்சன்

முல்லைத்தீவு - மாங்குளம் சந்தியில் உள்ள ஓட்டோ சாரதிகளில் ஒருவருக்கு கொரோனா தொற்று உறுதிப்படுத்தப்பட்டுள்ளதை தொடர்ந்து, அங்குள்ள அனைத்து ஓட்டோ  சாரதிகளையும் தனிமைப்படுத்தும் நடவடிக்கை முன்னெடுக்கப்படுகின்றது.

மாங்குளம் நகர் பகுதியில், ஓட்டோ சங்கத்தைச் சேர்ந்த சுமார் இருபது வரையானவர்கள் தொழில் செய்து வருகின்றார்கள்.

இந்நிலையில், கடந்த 21ஆம் திகதியன்று, 10 பேருக்கு மேற்கொள்ளப்பட்ட பிசிஆர் பரிசோதனையின் போது, நீதிபுரம் பகுதியைச் சேர்ந்த ஓட்டோ சாரதி ஒருவருக்கு கொரோனா தொற்று இருப்பது, நேற்று (25) உறுதிபடுத்தப்பட்டது.

இதனை தொடர்ந்து, குறித்த ஓட்டோ சங்கத்தின் சாரதிகள் அனைவரையும் தனிமைப்படுத்தும் நடவடிக்கையில் பொது சுகாதாரப் பரிசோதகர்கள் ஈடுபட்டுள்ளனர்.