முசலி பிரதேச செயலாளர் விபத்தில் படுகாயம்

முசலி பிரதேச செயலாளர் கே.எஸ்.வசந்தகுமார் விபத்தில் படுகாயமடைந்த நிலையில் மன்னார் பொது வைத்தியசாலையில் அனுமதிக்கப்பட்டுள்ளார்.

நேற்று (05) மாலை சிலாவத்துறை மறிச்சிக்கட்டி செல்லும் பிரதான வீதிக்கு அருகாமையில் பிரதேச செயலாளர் மற்றும்  சில ஊழியர்கள் உடற்பயிற்சியில் ஈடுபட்டுள்ளனர்.

இதன்போது குறித்த வீதியூடாக வேகமாக வந்த மோட்டார் சைக்கிள் வேகக் கட்டுப்பாட்டை இழந்து உடற்பயிற்சியில் ஈடுபட்டுக்கொண்டிருந்தவர்கள் மீது மோதியுள்ளது.

இதன்போது பிரதேச செயலாளர், ஊழியர் ஒருவரும் காயமடைந்த நிலையில் மன்னார் மாவட்ட பொது வைத்தியசாலையில் அனுமதிக்கப்பட்டுள்ளனர்.

குறித்த சம்பவம் தொடர்பாக மேலதிக விசாரணைகளை சிலாபத்துறை பொலிஸார் மேற்கொண்டு வருகின்றனர்.