முதுரங்குளத்தில் குண்டுகள் மீட்பு

-க.அகரன்

வவுனியா – கனகராயன்குளம், முதுரங்குளம் பகுதியிலுள்ள கைவிடப்பட்ட காணியொன்றில் இருந்து, இன்று (02) காலை, குண்டுகள் மீட்கப்பட்டுள்ளன.

குறித்த காணியில் ஆடுகளுக்காகப் புல் வெட்டச் சென்ற ஒருவர், அங்கு குண்டுகள் இருப்பதை அவதானித்து, கனகராயன்குளம் பொலிஸாருக்கு தகவலை வழங்கினார்.

இதையடுத்து, ஸ்தலத்துக்கு விரைந்த பொலிஸார், மண்ணில் புதையுண்ட நிலையில் இருந்த சுமார் 15 மோட்டார் குண்டுகளையும் ஒரு கைக்குண்டையும் மீட்டனர்.

இவ்வாறு மீட்கப்பட்ட குண்டுகள், விசேட அதிரடிப் படையினர் உதவியுடன் செயலிழக்கப்பட்டன.

குண்டுகள் மீட்கப்பட்ட பகுதியில், வெற்று மதுபான போத்தல்கள் அதிகளவில் காணப்பட்டமை குறிப்பிடத்தக்கது.