முல்லைத்தீவில் 865 வீடுகள் சேதம்

செ.கீதாஞ்சன் 

கடந்த 4 நாட்களாக பெய்த மழை காரணமாக முல்லைத்தீவு மாவட்டத்தில் 801 வீடுகள் பகுதியளவிலும் 64 வீடுகள் முழுமையாகவும் சேதமடைந்துள்ளதாக மாவட்ட அனர்த்த முகாமைத்துவ மத்திய நிலையம் அறிவித்துள்ளது.

கடந்த வாரத்தில் பெய்த மழை காரணமாக முல்லைத்தீவு மாவட்டத்தில் 8 ஆயிரத்து 25 குடும்பங்களை சேர்ந்த 25 ஆயிரத்து 889 மக்கள் பாதிக்கப்பட்டுள்ளனர்.

இவர்களில் ஆயிரத்து 625 குடும்பங்களை சேர்ந்த 5 ஆயிரத்து 108 மக்கள் 9 இடைத்தங்கல் முகாம்களில் தங்கவைக்கப்பட்டுள்ளனர்.

முகாம்களில் தங்கவைக்கப்பட்டுள்ள குடும்பங்களுக்கு சமைத்த உணவுகள் வழங்கப்பட்டு வருவதாகவும் மாவட்ட அனர்த்த முகாமைத்துவ மத்திய நிலையம் தெரிவித்துள்ளது.