முல்லைத்தீவு மாவட்டத்தில் 189 பேருக்கு டெங்கு

-செ.கீதாஞ்சன்

முல்லைத்தீவு மாவட்டத்தில், கடந்தாண்டு, 189 பேர் டெங்குக் காச்சலுக்கு இலக்காகி சிகிச்சை பெற்றுள்ளதாக, முல்லைத்தீவு மாவட்டப் பிராந்தியச் சுகாதாரச் சேவைகள் பணிப்பாளர் எஸ்.சுகந்தன் தெரிவித்தார்.

இது குறித்துத் தொடர்ந்துரைத்த அவர், புதுக்குடியிருப்புப் பிரதேசத்தில் 42 பேரும், முல்லைத்தீவு, முள்ளியவளை ஆகிய பிரதேசங்களில் 79 பேரும், மல்லாவி பிரதேசத்தில் 17 பேரும், பாண்டடியன்குளம் பிரதேசத்தில் 9 பேரும், வெலிஓயா பிரதேசத்தில் 14 பேரும், ஒட்டுசுட்டான் பிரதேசத்தில் 28 பேரும் டெங்கு காய்ச்சலால் பாதிக்கப்பட்டனரெனத் தெரிவித்தார்.

அத்துடன், இந்த ஆண்டின் இதுவரையான காலப்பகுதியில், முல்லைத்தீவு மாவட்டத்தில் 27 பேர் டெங்கு காச்சலுக்கு இலக்காகியுள்ளதாகவும், சுகந்தன் கூறினார்.