வர்த்தகர்களுக்கும் சாரதிகளுக்கும் பிசிஆர் பரிசோதனை

-மு.தமிழ்ச்செல்வன்

கிளிநொச்சி சேவைச் சந்தையில், வர்த்தகத்தில் ஈடுப்பட்டுள்ளவர்களுக்கும் வெளிமாவட்டங்களில் இருந்து வருகைதந்த வாகன சாரதிகளுக்கும், இன்று (14) பிசிஆர் மாதிரிகள் பெறப்பட்டுள்ளன.

இதன்படி, 45  பேரிடமிருந்து பிசிஆர் மாதிரிகள் பெறப்பட்டு, அவற்றை பரிசோதனைக்காக அனுப்பி வைக்கப்பட்டுள்ளதாக, பிராந்திய சுகாதார சேவைகள் பணிமனைத் தகவல்கள் தெரிவிக்கின்றன.

யாழ்ப்பாணத்தில், கொரோனா வைரஸ் தொற்றாளர்கள் அடையாளங்காணப்பட்டதை அடுத்தே, கிளிநொச்சி பிராந்திய சுகாதார சேவைகள் பணிமனையினாரால், கிளிநொச்சி சேவைச் சந்தையில், வர்த்தகத்தில் ஈடுப்பட்டுள்ளவர்களுக்கும் வெளிமாவட்டங்களில் இருந்து வருகைதந்த வாகன சாரதிகளுக்கும், பிசிஆர் மாதிரிகள் பெறப்பட்டமை குறிப்பிடத்தக்கது.