வவுனியா நகர் பகுதியில் தொற்று நீக்கும் செயற்பாடு

-க. அகரன்

வவுனியா நகர்ப்பகுதியில் தொற்று நீக்கும் செயற்பாடு இன்று முன்னெடுக்கப்பட்டது.

பயணத்தடை நாளைய தினம் நீக்கப்படவுள்ள நிலையிலேயே இச்செயற்பாடு முன்னெடுக்கப்பட்டது.

வன்னி கட்டளை தலைமையகத்தின் இராணுவத்தினர், பொலிஸார் மற்றும் வவுனியா நகரசபையினர் இணைந்து  தொற்று நீக்கும் செயற்பாட்டை முன்னெடுத்துள்ளனர்.

வவுனியா நகர்ப்பகுதியில் உள்ள பாடசாலைகள், பழைய பஸ் நிலையப்பகுதி, புதிய பஸ் நிலையம், வைத்தியசாலை சுற்று வட்டம் உட்பட பல பகுதிகளிலும் தொற்று நீக்கும் செயற்பாடு முன்னெடுக்கப்பட்டது.