வவுனியாவில் கடும் காற்று: 13 வீடுகள் சேதம்

-க. அகரன்

வவுனியாவில், நேற்று முன்தினம் (14) வீசிய கடும் காற்று காரணமாக, 13 வீடுகள் சேதமடைந்துள்ளன.

அந்தவகையில், புளியங்குளத்தில் ஒரு குடும்பத்தைச் சேர்ந்த நான்கு அங்கத்தவர்களும் தாண்டிக்குளத்தில் இரண்டு குடும்பங்களைச் சேர்ந்த நான்கு அங்கத்தவர்களும், கள்ளிக்குளத்தில் ஒரு குடும்பத்தைச் சேர்ந்த நான்கு அங்கத்தவர்களும், பிரப்பமடுவில் நான்கு குடும்பங்களைச் சேர்ந்த எட்டு அங்கத்தவர்களும், கற்குணாமடுவில் ஒரு குடும்பத்தைச் சேர்ந்த இரண்டு அங்கத்தவர்களும், முதலியாகுளத்தில் ஒரு குடும்பத்தைச் சேர்ந்த மூன்று அங்கத்தவர்களும் கண்ணாட்டியில் இரண்டு குடும்பங்களைச் சேர்ந்த மூன்று அங்கத்தவர்களும் பாதிக்கப்பட்டுள்ளனர்.

இதில் பாதிக்கப்பட்ட குடும்பங்களுக்கு, முதற்கட்டமாக பத்தாயிரம் ரூபாய் வழங்க நடவடிக்கை எடுக்கப்பட்டு உள்ளதுடன், பின்னர் ழுமுமையான தொகையை இழப்பீடாக பெற்றுக்கொடுப்பதற்குரிய நடவடிக்கைகள் மாவட்ட செயலக்தினூடாக மேற்கொள்ளப்பட்டு வருகின்றமை குறிப்பிடத்தக்கது.